काठमाडौं । जावलाखेल युथ क्लब सहिद स्मारक ए डिभिजन लिगको शीर्ष स्थानमा उक्लिएको छ । बिहीबार दिउँसो भएको खेलमा जावलाखेलले फ्रेन्ड्स क्लबलाई ४-१ गोलले हराएको हो ।
च्यासल स्टेडियममा भएको खेलमा जावलाखेललाई जीत दिलाउन एनकोतो स्यनोउस मासोबीले दुई गोल गर्दा राहुल र फोडे फोफोनाले समान एक-एक गोल थपे । फ्रेन्ड्सको लागि श्याम बाबुले एक गोल फर्काए ।
जीतसँगै जावलाखेल १७ खेलबाट ३० अंक जोड्दै लिगको शीर्ष स्थानमा उक्लिदा समान खेलबाट १९ अंक जोडेको फ्रेन्ड्स ११ औं स्थानमा रहेको छ ।
