चीनले अमेरिकी सेनाको गोप्य दस्तावेज सार्वजनिक भएको विषयमा अन्तर्राष्ट्रिय समुदायलाई स्पष्टीकरण दिन अमेरिकी पक्षलाई आग्रह गरेको चिनियाँ विदेश मन्त्रालयका प्रवक्ताले बताएका छन् ।
अमेरिकी सञ्चारमाध्यमका अनुसार पेन्टागनका केही शंकास्पद गोप्य दस्तावेजहरू हालै सामाजिक सञ्जालमा प्रसारित भइरहेका छन् । चुहावट भएका ‘यी दस्तावेजहरूले अमेरिकी सरकार रूस र युक्रेनबीचको द्वन्द्वमा गहिरो रूपमा संलग्न रहेको र आफ्ना सहयोगीहरूको जासुसी गरिरहेको’ सङ्केत गर्छ ।
चीनको विदेश मन्त्रालयका प्रवक्ता वाङ वेनबिनले नियमित पत्रकार सम्मेलनमा भन्ने, “चीनले धेरै सञ्चारमाध्यमले अमेरिकी सेनाका यी दस्तावेजले युक्रेन सङ्कटमा अमेरिकाको गहिरो संलग्नता स्पष्ट रूपमा देखाउँछ भनेर औंल्याएको उल्लेख गरेको छ ।” यसका लागि संयुक्त राज्य अमेरिकाले अन्तर्राष्ट्रिय समुदायलाई स्पष्टीकरण दिन आवश्यक छ,” वाङले भने ।
वाङका अनुसार उच्च अमेरिकी कूटनीतिज्ञले तथाकथित ‘समिट फर डेमोक्रेसी’मा अमेरिकाले साझेदारहरूसँग मिलेर प्रविधिको विकास र प्रयोग ‘लोकतान्त्रिक मूल्य र स्वार्थ’ प्रतिबिम्बित हुने गरी सुनिश्चित गर्न काम गरिरहेको बताएका थिए ।
उनले भने, “तथ्यले संयुक्त राज्य अमेरिकाले दाबी गरेको तथाकथित ‘लोकतान्त्रिक मूल्यहरू’ संयुक्त राज्य अमेरिकाका लागि स्वार्थी लाभ खोज्ने बहाना र औजार मात्र हुन् भन्ने फेरि एकपटक प्रमाणित गरेको छ ।”
