काठमाडौं । नेपाली काँग्रेसका सांसद प्रदीप पौडेलले मुलुकको हवाई क्षेत्रमा देखिएका समस्या तत्काल समाधान गर्न सरकारसँग माग गरेका छन् ।
आइतबारको प्रतिनिधिसभा बैठकमा सांसद पौडेलले मुलुकको हवाई क्षेत्रमा पछिल्ला दिनहरुमा गम्भीर समस्याहरु देखा परेको उल्लेख गर्दै त्यसको दिगो समाधान खोज्न सरकारसँग माग गरेका हुन् ।
कुनै जहाजको पाङग्रा खुस्किने, टायर भाडामा लिनुपर्ने, उडान नियमित नभएर यात्रुहरु अलपत्र बन्ने स्थिति पछिल्लो समय देखापरेको उल्लेख गर्दै सांसद पौडेलले यो समस्यालाई गम्भीरतापूर्वक लिन पनि सरकारलाई आग्रह गरे । उनले व्यवस्थापकीय पक्षमा चुक्दा नेपालको हवाई क्षेत्रमा बढी दुर्घटना हुने गरेको उल्लेख गरे ।
