एजेन्सी । युईएफए च्याम्पियन्स लिगमा आज अन्तिम १६ को दोस्रो लेग अन्तर्गतका दुई खेल हुँदैछन् । आज हुने खेलमा एफसी पोर्टोले इन्टर मिलानसँग प्रतिस्पर्धा गर्दैछ । इस्टाडियो डो ड्रागोमा हुने खेल राति १:४५ बजे शुरु हुनेछ । दुई टोलीबीचको पहिलो लेगमा इन्टर मिलान १-० गोलले विजयी भएको थियो ।
यस्तै आजै हुने अर्को खेलमा म्यानचेस्टर सिटी र आरबी लेइपजिग भिड्नेछन् । इतिहाद रंगशालामा हुने खेल राति १:४५ बजे हुनेछ । दुई टोलीबीचको पहिलो लेग १-१ गोलको बराबरीमा सकिएको थियो ।
