काठमाडौं । सहिद स्मारक ए डिभिजन लिगमा आज तीन खेल हुँदैछ । आज हुने पहिलो खेलमा संकटा क्लब र चर्च ब्वाइज युनाइटेड भिड्दैछन् । एन्फा कम्प्लेक्समा हुने खेल दिउँसो साढे २ बजे शुरु हुनेछ ।
सोही समयमा त्रिपुरेश्वरस्थित दशरथ रंगशालामा हुने खेलमा हुने दोस्रो खेलमा जावलाखेल युथ क्लब र फ्रेन्ड्स क्लब प्रतिस्पर्धा गर्नेछन् ।
यस्तै आजै हुने तेस्रो तथा अन्तिम खेलमा साविक विजेता मछिन्द्र फूटबल क्लब र विभागीय टोली नेपाल पुलिस क्लब भिड्नेछन् । दशरथ रंगशालामा हुने खेल बेलुकी साढे ५ बजे शुरु हुनेछ ।
