काठमाडौं । सहिद स्मारक ए डिभिजन लिगमा आज दुई खेल हुँदैछ । आज हुने पहिलो खेलमा न्यूरोड टिम(एनआरटी)ले जावलाखेल युथ क्लबको समाना गर्नेछ । खेल एन्फा कम्प्लेक्समा दिउँसो साढे दुई बजे शुरु हुनेछ ।
जावलाखेल आज लगातार दोस्रो जीतको खोजीमा हुनेछ भने एनआरटी लिगमा पहिलो अंक जोड्ने लक्ष्यसहित मैदान उत्रिनेछ ।
यस्तै आजै हुने दोस्रो खेलमा त्रिभुवन आर्मी फूटबल क्लब र मछिन्द्र फूटबल क्लब भिड्नेछन् । च्यासल मैदानमा हुने खेल दिउँसो साढे दुई बजे शुरु हुनेछ । साविक विजेता मछिन्द्र पहिलो खेलमा जावलाखेल युथ क्लबसँग ३-१ गोलले पराजीत भएको थियो भने आर्मीले संकटासँग गोलरहित बराबरी खेलेको थियो ।
