काठमाडौं । नेकपा एमालेका महासचिव शंकर पोखरेलले प्रधानमन्त्री पुष्पकमल दाहाल प्रचण्डको यात्रा आत्मसमर्पणवादमा पुगेको टिप्पणी गरेका छन् ।
मंगलबार सामाजिक संजालमार्फत महासचिव पोखरेलले यस्तो टिप्पणी गरेका हुन् । उनले भनेका छन्, ‘उग्रवामपंथी अतिवादको पतन कसरी चरम दक्षिणपन्थी अवसरवाद र राष्ट्रिय आत्मसमर्पणवादमा पुगेर हुन्छ भन्ने कुराको उदाहरण बन्दैछ प्रचण्डको पतनोन्मुख यात्रा ।’
पुस १० को गठबन्धन त्यागेर कांग्रेससँगको गठबन्धनमा प्रधानमन्त्री फर्किएपछि एमाले नेताहरू प्रचण्डप्रति आक्रामक टिप्पणी गरिरहेका छन् ।
राष्ट्रपति निर्वाचमा आठ दलीय गठबन्धन बनेपछि एमालेका मन्त्रीले सोमबार राजीनामा दिँदै सरकारलाई दिएको समर्थन फिर्ता लिइसकेको छ ।
