वालिङ । नेपाल विद्यार्थी संघ वालिङ बहुमुखी क्यम्पस इकाई कार्यसमितिद्वारा आज क्यामपसको प्राङ्गणमा दीप प्रज्वलन कार्यक्रम सम्पन्न गरेको छ । कार्यक्रमको अध्यक्षता वालिङ बहुमुखी क्याम्पस इकाई कार्यसमितिका सभापति कमल कुँवरले गरेका थिए ।
कार्यक्रमको प्रमुख अतिथि नेपाली कांग्रेस क्षेत्र न २ स्याङ्जाका सभापति एबम वालिङ नगरपालिकाका नि वर्तमान मेयर दिलीप प्रताप खाँण , विशिष्ठ अतिथि नेपाली कांग्रेस वालिङ नगर सभापति नेत्र प्रसाद पाण्डे, नेपाली कांग्रेसका नेता चेत नारायण श्रेष्ठ, क्यामपस प्रमुख युवराज पाठक,प्राध्यापक विष्णु गैह्रे,विष्णु अधिकारी,मधुसुधन आचार्य, विश्व हिन्दु युवा संघ स्याङ्जाका अध्यक्ष नवराज पौडेल, नेविसंघ वालिङ नगर सभापति दिक्षानत प्रताप खाँण, नेविसंघ नेता विपिन कुँवर, दिलीप श्रेष्ठ, आशिष अर्याल, जनक लामिछाने, सुमना लामिछाने लगायतको उपस्थिति रहेको थियो ।
कार्यक्रममा प्रमुख अतिथि दिलीप प्रताप खाणले सहिदको सपना पुरा गर्न हामी सबै जनाले देश प्रति उत्तरदायी भएर काम गर्नु पर्ने कुरा बताएका थिए । सहिदहरु प्रति सम्मान सबैले गर्न पर्ने उनले जोडे । सहिदहरुको कारणले नै आज हामीहरूले बोल्न, पढ्न पाइएको कुरा खाणले बताए । उनले नेविसंघले राम्रो कार्यक्रम गरेको र यसै गरी अगाडी बढ्न अनुरोध गरे ।
कार्यक्रममा नगर सभापति नेत्र प्रसाद पाण्डे, क्यम्पस प्रमुख युवराज पाठक लगायतले मन्तब्य राखेका थिए । स्वागत मन्तब्य नेविसंघ वालिङ बहुमुखी क्याम्पसका विद्यार्थी नेता विपिन कुवँरले राखेका थिए भने कार्यक्रमको सञ्चालन हरी रेग्मीले गरेका थिए ।
