काठमाडौं। नेकपा (एमाले)का नेता गोकुल बास्कोटाको गृहपालिका मण्डनदेउपुर नगरपालिकामा गठबन्धनले जितेको छ ।
नेकपा (एकिकृत समाजवादी)बाट मेयरका उम्मेदवार टोकबहादुर वाइबा ९४०६ मतसहित दोस्रो कार्यकालका लागि मेयरमा निर्वाचित भएका हुन्।
उनका निकटतम प्रतिद्वन्द्वी नेकपा (एमाले)का विदुरप्रसाद सापकोटाले ८३५१ मत ल्याएका छन् । त्यस्तै, उपमेयरमा गठबन्धनबाट नेपाली कांग्रेसका विष्णुमणी नेपाल ११ हजार ३०५ मत ल्याएर निर्वाचित भएकी छन् । उनकी प्रतिद्वन्द्वी एमालेकी सरिता ढकालले ६ हजार ९२४ मत ल्याएकी छन् ।
