मंगलबारबाट मतपत्रको ढुवानी शुरू हुने

काठमाडौं । निर्वाचन आयोगले सोमबारसम्म ६३ जिल्लाका लागि मतपत्रको छपाइ सकिएको जानकारी दिएको छ । सोमबार आयोजित पत्रकार सम्मेलनमा आयोगले एक करोड ५४ लाख ८३ हजार अर्थात् ८० प्रतिशत मतपत्र छापिसकिएको जनाएको हो ।

बाँकी जिल्लाको मतपत्र छाप्ने काम जारी रहेको आयोगले जनाएको छ । मंगलबारबाट मतपत्रको ढुवानी शुरू हुनेछ । वैशाख ३० गते हुने स्थानीय निर्वाचनका लागि झण्डै एक करोड ९४ लाख मतपत्र आवश्यक पर्ने अनुमान गरिएको छ ।