काठमाडौं। त्रिभुवन अन्तर्राष्ट्रिय विमानस्थलले आज दिनभर उडान प्रभावित हुने जनाएको छ । विमानस्थलले सञ्चार प्रणालीमा खराबी खाएका कारण आजको उडान प्रभावित हुने जानकारी दिएको हो ।
सञ्चार प्रणालीमा आएको खराबीको कारण आन्तरिक तथा बाह्र उडानहरु निर्धारित समयभन्दा ढिलो हुने र तालिका नै हेरफेर हुने जनाइएको छ। संचार उपकरण भएको विल्डिङमा पानी लिकेज भएर प्रणालीहरुमा आएको खराबीका कारण उडान प्रभावित भएका छन् ।
राडारमा समस्या देखिएपछि आन्तरिक तथा वाह्य उडानहरु प्रभावित बन्न पुगेका छन् । अहिले एउटा उडान भर्न १५ देखि २० मिनेटसम्म लाग्दै आएको छ । भनेकै समयमा उडान तथा अवतरण हुन नसकेपछि आज दिनभरका उडान प्रभावित हुने देखिएका छन् ।
आज उडान तथा अवतरमा डिले हुने देखिएको छ । हवाई कम्पनीहरुले समेत यात्रुलाई हवाई कम्पनीको सूचनाको आधारमा यात्रा गर्न आग्रह गरिरहेका छन् ।
