काठमाडौं । पूर्वप्रधानमन्त्री डा. बाबुराम भट्टराईले यति र ओम्नीपछि आसेपासे पूँजीवादको कुरूप अनुहारका रूपमा बतास देखापरेको बताएका छन् । आइतबार सामाजिक संजालमार्फत भट्टराईले नारायणहिटी दरबार संग्रहालयभित्र रेष्टुरेन्ट बनाउन बतास समूहलाई दिएको विषयमा यस्तो बताएका हुन् ।
उनले भने, ‘हिजो यति,ओम्नी पछि आज बतासको रूपमा आसेपासे पूँजीवाद(क्रोनी क्यापिटालिज्म)को कुरूप अनुहार देखापर्नु देशमा पहिलेको रूपान्तरणकारी राजनीति अहिले सत्ता राजनीतिमा पतन हुनुको परिणाम हो ! जबसम्म मुहान(राजनीति) संग्लिदैन तबसम्म निकास संग्लिदैन है ! मुहान सफा गरौं;राजनीतिक सफाइ अभियानमा लागौं!’
हिजो यति,ओम्नी पछि आज बतासको रूपमा आसेपासे पुॅजीवाद(क्रोनी क्यापिटालिज्म)को कुरूप अनुहार देखापर्नु देशमा पहिलेको रूपान्तरणकारी राजनीति अहिले सत्ता राजनीतिमा पतन हुनुको परिणाम हो!जबसम्म मुहान(राजनीति) संग्लिदैन तबसम्म निकास संग्लिदैन है!मुहान सफा गरौं;राजनीतिक सफाइ अभियानमा लागौं!
— Baburam Bhattarai (@brb1954) January 9, 2022