USAID

अपरिपक्क कुटनीतिका कारण सरकार खोप ल्याउन असफलः सांसद देव


काठमाडौं । राष्ट्रियसभाका सदस्य जितेन्द्र नारायण देवले सरकारको कुटनीतिक कमजोरीका कारण नेपालमा कोभिडविरुद्धको खोप आउन नसकेको आरोप लगाएका छन् ।

राष्ट्रियसभाको बुधबारको बैठकमा उनले सरकार खोप ल्याउने कुरामा पूर्ण रुपमा असफल भएको आरोप लगाएका छन् । अपरिपक्क कुटनीतिका कारण सरकारका सबै कुटनीतिक प्रयासहरु असफल भएको उनले बताए ।

दक्षिण एशियाको सन्दर्भमा अमेरिकी सरकारको सहजीकरणमा २५ लाख डोज बंगलादेशलाई उपलब्ध भएको र सोही परिमाणमा पाकिस्तानलाई पनि उपलब्ध भएको, भुटानलाई डेनमार्क सरकारले कोभ्याक्स स्किम अन्तर्गत २५ लाख डोज भ्याक्सिन पठाउने कुरा भइरहेको तथा श्रीलंकामा पनि अमेरिकी सरकारको संयोजकतामा खोप उपलब्ध गराउने काम भएको उदाहरण दिदै उनले नेपाल सरकार किन फेल भयो ? भन्दै प्रश्न गरेका हुन् ।

उनले भने, ‘नेपाल सरकार खोप ल्याउने कुरामा पूर्ण रुपमा फेल भएको स्थिति छ । कुटनीतिक प्रयासहरु फेल भएकोे छ । यो कसरी भयो किन फेल भयो ? ती देश र ती कम्पनीहरुसँगको नेपालको सम्बन्ध किन चिसो भयो ? नेपाल सरकारसँग किन डिल गर्न चाहेनन् । दक्षिण एशियाका ४ वटा देशहरुले ल्याउन सफल भए नेपालले ल्याउन सकेन । यो कुरा महसुस गर्ने कि नगर्ने ?’

 


CivActsAd

Leave a Reply

Your email address will not be published. Required fields are marked *