USAID

मालपोतका नासु र लेखापढी व्यवसायीविरुद्ध भ्रष्टाचार मुद्दा दायर


काठमाडौं । बाराको सिमरास्थित मालपोत कार्यालयका नायवसुब्बा मनोज कुमार खनाल र लेखापढी व्यवसायी बद्री प्रसाद बडालविरुद्ध अख्तियार दुरुपयोग अनुसन्धान आयोगले बुधबार विशेष अदालतमा भ्रष्टाचार मुद्दा दायर गरेको छ ।

जग्गा फुकुवा गर्दिन्छु भन्दै ६ लाख रुपैयाँ घूस लिएको अभियोगमा आयोगले उनीहरूलाई विरुद्ध भ्रष्टाचार मुद्दा दायर गरेको हो । सेवाग्राहीले खरिद गर्न लागेको जग्गा श्रम विभागबाट रोक्का छ भन्दै उनीहरुले सर्जमिन मुचुल्का गरी सिफारिस पठाएको अख्तियारको अनुसन्धानबाट खुलेको थियो ।

जग्गा फुकुवा गर्ने प्रक्रिया मिलाई फास्ट ट्रयाकबाट पास गराईदिने भन्दै उनीहरूले ६ लाख रुपैयाँ घूस मागेका थिए । घुस लिइसकेको अवस्थामा उनीहरूलाई अख्तियारले केही सयम अघि नियन्त्रणमा लिएको थियो ।

 


CivActsAd

Leave a Reply

Your email address will not be published. Required fields are marked *