USAID

प्रचण्ड-नेपाल समूहले बुझायो प्रधानमन्त्री ओलीलाई स्पष्टीकरणको पत्र


काठमाडौं । नेकपाको प्रचण्ड-नेपाल समूहले प्रधानमन्त्री केपी शर्मा ओलीलाई स्पष्टीकरण पत्र बुझाएको छ । प्रचण्ड-नेपाल समूहका नेताहरु सोमबार प्रधानमन्त्री निवास बालुवाटार पुगेर ओलीलाई स्पष्टीकरण पत्र बुझाएका हुन् ।

पार्टीले एकपटक जानकारी गराउँदा समेत उहाँले आफ्नो गतिविधिलाई नरोकेकाले साधारण सदस्यबाट किन नहटाउने भन्दै पत्र बुझाएको स्थायी कमिटी सदस्य सुरेन्द्र पाण्डेले जानकारी दिए ।

संसद विघटनसँगै विभाजित नेकपाको प्रचण्ड–नेपाल समूहले ओलीलाई अध्यक्ष पदबाट हटाएको थियो । त्यसपछि पनि अनुशासन उल्लंघन गरेको भन्दै स्थायी कमिटी बैठकले ओलीलाई पार्टीको साधारण सदस्यबाट किन नहटाउने भन्ने स्पष्टिकरण सोध्ने निर्णय गरेको थियो ।

ओलीलाई स्पष्टीकरणका लागि तीन दिनको समय दिइएको छ । ओलीलाई पत्र बुझाउन प्रचण्ड-नेपाल समूहका नेताहरु श्रीराम ढकाल, सुरेन्द्र पाण्डे र मुकुन्द न्यौपाने गएका थिए । उनीहरुले प्रधानमन्त्री निवासको ३ नम्बर गेटमा पत्र छाडेका हुन् ।


CivActsAd

Leave a Reply

Your email address will not be published. Required fields are marked *