USAID

विश्वमा ४ करोड ३५ लाखभन्दा बढी मानिस कोरोना संक्रमणमुक्त


विश्वमा हालसम्म कोरोना भाइरस सङ्क्रमितमध्ये ४ करोड ३५ लाखभन्दा बढी संक्रमणमुक्त भएका छन् । संक्रमितमध्ये विश्वभर पछिल्लो २४ घण्टामा ३ लाख ५३ हजार ६ सय भन्दा बढी संक्रमणमुक्त भएसँगै हालसम्म ४ करोड ३५ लाख ४२ हजार ३८१ जना संक्रमणमुक्त भएका हुन् ।

पछिल्लो २४ घण्टामा विश्वमा चार लाख ९६ हजार भन्दाबढी संक्रमण पुष्टि भएसँगै संक्रमित संख्या ६ करोड ३० लाख ६६ हजार १६८ पुगेको छ। यस्तै, पछिल्लो २४ घण्टामा सात हजार २ सय भन्दाबढीको मृत्युभए संगै हालसम्म १४ लाख ६५ हजार ४८ जनाको मृत्यु भएको छ ।

हाल विश्वभर १ करोड ८० लाख ५८ हजार ७३९ जना सक्रिय संक्रमित छन् भने एक लाख ५ हजार ५४३ जना गम्भीर बिरामी छन्। उपचाररत छन् भने १ लाख ५ हजार ५४९ जनाको अवस्था गम्भीर रहेको वल्डोमिटरमा उल्लेख छ ।

कोरोनाबाट सबैभन्दा बढी प्रभावित अमेरिकामा एक महिनायता दैनिक एक लाखभन्दा बढीमा संक्रमण देखिएको छ । पछिल्लो २४ घण्टामा १ लाख ३८ हजार भन्दाबढीमा संक्रमण पुष्टि भएसंगै संक्रमित संख्या १ करोड ३७ लाख ५० हजार ४०४ पुगेको छ ।

संक्रमितमध्ये अहिलेसम्म ८१ लाख ७ हजार २०३ जना संक्रमणमुक्त भएका छन् । कोरोना संक्रमणले मृत्यु हुनेको संख्या २ लाख ७३ हजार नाघेको छ । त्यसैगरी, भारतमा सक्रमितको संख्या ९४ लाख ३२ हजार ७५ पुगेको छ ।

संक्रमितमध्ये एक लाख ३७ हजार बढीको मृत्यु भइसकेको छ भने हालसम्म ८८ लाख ४६ हजार ३१३ जना संक्रमणमुक्त भएका छन् । करिव डेढ महिनायता संक्रमण दर घट्दै गएको भारतमा पछिल्लो २४ घण्टामा ३९ हजार जनामा संक्रमण पुष्टि भएको छ भने ४ सय ४४ कोरोना संक्रमितको मृत्यु भएको छ ।

ब्राजिलमा कोरोना भाइरसबाट सङ्क्रमित हुनेको संख्या ६३ लाख १४ हजार नाघेको छ भने १ लाख ७२ हजार ८४८ जनाको मृत्यु भएको छ । संक्रमितमध्ये ५५ लाख ७८ हजार भन्दा बढी निको भएका छन् ।


CivActsAd

Leave a Reply

Your email address will not be published. Required fields are marked *