काठमाडौँ । पछिल्लो २४ घण्टामा नेपालमा कोरोनाका १ हजार ४ सय ५४ संक्रमित थपिएका छन् ।
देशभरका प्रयोगशालामा १० हजार ७ सय १ जनाको पिसिआर परीक्षण गर्दा १ हजार ४ सय ५४ जनामा पोजेटिभ देखिएको स्वास्थ्य तथा जनसंख्या मन्त्रालयले जनाएको छ । नेपालमा कुल संक्रमितको संख्या ५१ हजार ९ सय १९ पुगेको मन्त्रालयले जनाएको छ ।
यस्तै २४ घण्टामा ९ सय ७२ संक्रमित निको भएका छन् । यो सँगै निको हुनेको संख्या ३६ हजार ६ सय ७२ पुगेको छ ।
यस्तै देशभर हाल १४ हजार ९ सय २५ सक्रिय संक्रमित रहेका मन्त्रालयले जनाएको छ ।
नेपालमा पछिल्लो २४ घण्टामा थप ५ जनाको मृत्यु भएको छ । योसँगै मृतकको संख्या ३ सय २२ पुगेको छ ।
