बेशीशहर । लमजुङमा पहिरोले घर पुरिदा एकै घरका तीन जनाको ज्यान गएको छ । बेसीसहर नगरपालिका–७, सातबिसेमा पहिरोले दीपक तामाङको घर पुरिंदा तीन जनाको ज्यान गएको प्रहरीले जनाएको छ ।
ज्यान गुमाउनेमा दीपक तामाङ, उनकी श्रीमती बिमाया तामाङ र छोरा सेवाङ रहेका छन । लमजुङका प्रहरी नायब उपरीक्षक गङ्गाबहादुर थापाका अनुसार पहिरोमा परी अरु तीन जना घाइते भएका छन ।
घाइते तीनै जनाको स्थानीय अस्पतालमा उपचार भइरहेको छ । भिरालो ठाउँमा घर बनाउँदा पहिरो आएको प्रहरीको भनाई छ । मौसमविदले अझै तीनदेखि चार दिनसम्म ठूलो पानी पर्ने बताएका छन ।