एजेन्सी । स्पेनिस लिग ला लिगा अन्तर्गत भएको म्याड्रिड डर्बीमा रियल म्याड्रिड पराजित भएको छ । आइतबार राति भएको खेलमा एट्लेटिको म्याड्रिडले १० खेलाडीमा समेटिएको रियल म्याड्रिडलाई २-१ गोलले पराजित गरेको हो ।
मेट्रोपोलिटानोमा भएको खेलमा एट्लेटिकोलाई जित दिलाउन अलेजान्द्रो ग्रिमाल्डो र जोनाथन डेभिडले समान एक/एक गोल गरे । म्याड्रिडको लागि एन्टोनियो रुडिगरले एक गोल फर्काए । पहिलो हाफ गोलरहित बराबरीमा सकिएको खेलको ५२ औँ मिनेटमा डिन हुज्सेन रातो कार्ड पाउँदै मैदान बाहिरिएपछि म्याड्रिड १० खेलाडीमा समेटिएको थियो ।
उनले एट्लेटिकोका ग्रोमाल्डोलाई डी-बक्सभित्र फावल गरेपछि रातो कार्ड पाएका थिए भने एट्लेटिकोले पेनाल्टी पाएको थियो । उक्त पेनाल्टीलाई गोलमा परिणत गर्दै ग्रिमाल्डोले एट्लेटिकोलाई शुरुवाती अग्रता दिलाएका थिए । ६ मिनेटपछि सिमेओनको पासमा डेभिडले गोल गर्दै एट्लेटिकोको अग्रता दोब्बर बनाए ।
८९ औँ मिनेटमा बर्नाडो सिल्भाको क्रसमा रुडिगरले हेडर गोल गर्दै म्याड्रिडलाई २-१ गोलको स्थितिमा ल्याएका थिए । तर बाँकी समयमा दुवै टोलीबाट थप गोल हुन नसक्दा म्याड्रिड २-१ गोलले विजयी भएको हो ।
जितसँगै एट्लेटिको ७ खेलबाट १६ अंक जोड्दै अंकतालिकाको दोस्रो स्थानमा उक्लिदा समान खेलबाट १५ अंक जोडेको म्याड्रिड चौथो स्थानमा झरेको छ ।
