तेहरान । इरानी राष्ट्रपति मसूद पेजेस्कियनले इरानी जनताले अमेरिकी आर्थिक दबाबमा आत्मसमर्पण नगर्ने बताएका छन् ।
संयुक्त राज्य अमेरिकाले इरानीहरूलाई धम्की दिएर आत्मसमर्पण गर्न बाध्य पार्न नसकेकाले जीविकोपार्जनमा समस्या र सुविधाहरूको अभावको अवस्था सिर्जना गरी उनीहरूलाई आत्मसमर्पण गर्न बाध्य बनाउन खोजिरहेको उल्लेख गर्दै इरानी जनताले आत्मसमर्पण नगर्ने विषयमा जोड दिएका छन् ।
इरानको इरना समाचार एजेन्सीका अनुसार पेजेस्कियनले नयाँ दिल्लीमा भारतीय धार्मिक नेताहरू, तथा व्यापारीहरूसँगको बैठकमा यस्तो बताएका हुन् ।
इरान विरुद्धको अमेरिकी नौसैनिक नाकाकन्दी र आर्थिक युद्धको निन्दा गर्दै उनले भने ‘वासिङ्टन इरानलाई स्वतन्त्र देश बनाउन चाहँदैन, तर हामी यसको बदमाशीको अगाडि झुक्ने छैनौँ ।’
इरानले लामो समय देखि अमेरिकी नौ– सैनिक नाकाबन्दीको सामना गर्दै आइरहेकोमा हालसालै वाशिंगटन द्वारा घोषित आर्थिक दवावपूर्ण कारबाहीको एक अभूतपूर्व अवस्था भोगिरहेको छ ।
गत महिना, अमेरिकी राष्ट्रपति डोनाल्ड ट्रम्पले इरानलगायत इरानसँग आर्थिक कारोबार गर्ने कुनै पनि देश विरुद्ध “अहिलेसम्मको सबैभन्दा क्रूर आर्थिक कारबाही” को घोषणा गरेका थिए ।
