काठमाडौँ । नेपाली कांग्रेसको केन्द्रीय कार्यसम्पादन समितिको बैठक यही भदौ २० गते बस्ने भएको छ ।
कांग्रेस केन्द्रीय कार्यालयका कार्यवाहक मुख्यसचिव कृष्णप्रसाद दुलालले यही भदौ २० गते शनिबार पार्टी केन्द्रीय कार्यालय बिपी स्मृति भवन सानेपामा बैठक बस्न लागेको जानकारी दिए ।
बैठकमा रसुवाको भोटेकोशीमा गएको भीषण बाढी र त्यसले निम्त्याएको विपद्को अवस्थाबारे छलफल हुनुका साथै पार्टीको आगामी १५औँ महाधिवेशनको तयारी, कार्यतालिका र साङ्गठनिक विषयमा छलफल हुने कार्यवाहक मुख्यसचिव दुलालले बताए ।
