जेरुसेलम । अमेरिकी नेतृत्वको गाजा योजनालाई इजरायली प्रधानमन्त्री बेन्जामिन नेतन्याहुले अस्वीकार गरेका छन् । यसले उनलाई राष्ट्रपति डोनाल्ड ट्रम्पसँग टाढा बनाउने सम्भावना बढेको छ।
नेतन्याहुले आफूलाई प्यालेस्टाइनको प्रखर विरोधी नेताका रूपमा देखाएर नजिकै आएकोे चुनावअघि आफ्नो आधार मजबूत गर्न खोजिरहेको देखिएको छ ।
एक हप्ताभन्दा बढी समयदेखि योजनाको क्रमिक आलोचना गरेपछि र इजरायलले गाजाबाट तुरुन्तै फिर्ता सुरु गर्न नपर्ने आश्वासन पाए पनि आफ्ना दक्षिणपन्थी सहयोगीहरूको विरोधपछि नेतन्याहुले यस सम्झौताको स्पष्ट विरोध गरेको देखिएको छ ।
“इजरायलले १५–बुँदे दस्तावेज अस्वीकार गर्छ”, नेतन्याहुले भने, यो योजनालाई हमासले जुलाईको अन्त्यतिर स्वीकार गरेको थियो ।”
“हमासलाई वास्तविक रूपमा निःशस्त्र नगरेसम्म कुनै पनि इजरायलले आफ्नो कुनै पनि सेना फिर्ता गर्ने छैन, र इजरायली सेना तथा नागरिकहरूविरुद्धका खतराहरूलाई रोक्ने अभियान जारी राख्नेछ,” उनले मन्त्रिपरिषद्को बैठकमा भने ।
अमेरिकी राष्ट्रपति ट्रम्पले गाजा सम्झौतालाई शान्तिका लागि महत्त्वपूर्ण उपलब्धि भने पनि नेतन्याहुले राष्ट्रपति ट्रम्पले सारेको उक्त योजनालाई अस्वीकार गर्ने बताए । कुनै समय उनले राष्ट्रपति ट्रम्पलाई ‘ह्वाइट हाउसमा इजरायलका ‘सबैभन्दा सहयोगी मित्र’ भनेर वर्णन गरेका थिए ।
शान्ति प्रस्तावबारे बोल्ने क्रममा उनले इजरायलले यसबारे अमेरिकाँसँग आपत्ति जनाइरहेको र सम्झौतालाई चुनौती दिन तयार रहने बताए ।
“त्यहाँ उनीहरूका विचारहरू छन्, केही हामीलाई स्वीकार्य छन् र केही छैनन् । हामी यस्ता विषयमा आफ्नो अडान राख्न जान्दछौँ,” उनले भने ।
इजरायलका सबैभन्दा लामो समयसम्म प्रधानमन्त्री रहेका नेतन्याहु अक्टोबर २७ को चुनावअघि केही सर्वेक्षणमा बराबरीमा वा पछि परेको देखिएको छ । यो देशको सन् २०२३ अक्टोबर ७ मा हमासको विनाशकारी आक्रमणपछिको पहिलो चुनाव हो । हामास आक्रमणपछि गाजा युद्ध सुरु भएकबो थियो ।
सर्वेक्षणअनुसार गाजा योजना नेतन्याहुका दक्षिणपन्थी आधारमा अलोकप्रिय छ र उनको मन्त्रिपरिषद्का अति–दक्षिणपन्थी सदस्यहरूले यसलाई त्याग्न आग्रह गरेका छन्।
हमासले नयाँ नेता खलिल अल–हय्या चयन गरेको केही दिनपछि गाजा योजनालाई समर्थन गरेको घोषणा गरेको थियो । त्यसपछि हमासले वाशिङ्टनलाई नेतन्याहुलाई योजना स्वीकार गर्न दबाब दिन आग्रह गरेको छ ।
“हामी मध्यस्थकर्ता र अमेरिकी प्रतिनिधिबाट नेतन्याहु र उहाँको सरकारलाई मार्गचित्र पालना गर्न र आन्तरिक राजनीतिक तथा चुनावी कारणले प्रक्रियामा बाधा नपुर्याउन दबाब दिनेमा अपेक्षा गर्छौँ,” हमासको राजनीतिक ब्यूरोका सदस्य बासेम नाइमले एएफपीसँग भने । हमासले एक विज्ञप्तिमा योजनाप्रति अझै प्रतिबद्ध रहेको बताएको छ ।
