यी हुन् विश्वकपमा सर्वाधिक गोल गर्ने खेलाडी

काठमाडौं । फिफा विश्वकपको २३ औँ संस्करणसम्म आउँदा हालसम्म २७ सय गोल भएको छ जसमा झन्डै १३ सय खेलाडीले गोल गरेका छन् । सन् १९३० मा भएको पहिलो संस्करणको विश्वकपमा लुसियन लौरन्टले गोल गर्दै विश्वकपमा खाता खोलेका थिए । त्यसयता १ सय १ खेलाडीले पाँच भन्दा बढि गोल गरिसकेका छन् ।

पहिलो विश्वकपमा अर्जेन्टिनाका गुलेर्मो स्टाबिलले सर्वाधिक ८ गोल गरेका थिए । त्यसपछि २५ खेलाडीले मात्र विश्वकपमा ८ गोल भन्दा बढि गोल गर्न सकेका छन् । विश्वकपको एकै संस्करणमा सबैभन्दा बढि गोल गर्ने कीर्तिमान फ्रान्सका जस्ट फोन्टाइनको नाममा रहेको छ । उनले सन् १९५८ मा ६ खेलमा १३ गोल गरेका थिए । त्यसअघि सन् १९५४ मा हंगेरीका सान्दोर कोस्सिसले ११ गोल गरेका थिए ।

त्यसपछि सन् १९७० मा वेस्ट जर्मनीका गर्ड मुलरले १० गोल गरेका थिए । चारवर्षपछि फाइनल गोल गर्दै मुलर १४ गोलसहित विश्वकपमा सर्वाधिक गोल गर्ने खेलाडी बनेका थिए । तीन दशकपछि ब्राजिलियन रोनाल्डोले १९९८, २००२ र २००६ को विश्वकपमा कुल १५ गोल गर्दै मुलरको कीर्तिमान तोडे ।

हाल सन् २००२ देखि २०१४ को अन्तरालमा जर्मनीका मिरोस्लाब क्लोसले १६ गोल गर्दै कीर्तिमान आफ्नो नाममा लेखाएका छन् । यसपटक उनको कीर्तिमान भंग गर्ने अवसर अर्जेन्टिनी लियोनल मेस्सी र किलियन एम्बाप्पेलाई रहेको छ ।  हालसम्म विश्वकपमा मेस्सीले १३ र फ्रान्सका किलियन एम्बाप्पेलाई १२ गोल गरेका छन् ।

१२ जुनदेखि अमेरिका, क्यानडा र मेक्सिकोमा संयुक्त रुपमा शुरू हुने विश्वकपमा अर्जेन्टिनाले १७ जुन मा अल्जेरिया र फ्रान्सले १६ जुनमा सेनेगलसँग खेल्दै विश्वकपको शुरुवात गर्नेछन्  ।

यी हुन् विश्वकपमा सर्वाधिक गोल गर्ने शीर्ष १० खेलाडी