टोकियो । जापानले रूसी र चिनियाँ हवाई सैनिकहरूले देश वरपर संयुक्त गस्ती उडान सञ्चालन गरेपछि आफ्ना लडाकु विमानहरू उडाएर निगरानी गरेको छ। दुई छिमेकी महाशक्तिसँगको सुरक्षा कडा बन्दै गएपछि टोकियोले यसलाई गम्भीर रूपमा लिएको बताएको छ।
जापानी रक्षा मन्त्रालयका अनुसार दुई रूसी टियु ९५ परमाणु–सक्षम रणनीतिक बमवर्षक जापान सागरबाट पूर्वी चीन सागर हुँदै प्रशान्त महासागरतर्फ उडेका थिए। मार्गमा ती विमानहरू दुई चिनियाँ एच–६ बमवर्षकसँग मिले र लामो दूरीको संयुक्त उडान गरेका थिए ।
त्यसक्रममा चीनका चार वटा लडाकु विमान पनि मिसिएर जापानका ओकिनावा र मियाको द्वीपबीच घुम्ती उडानमा सहभागी भएका थिए। दुवै द्वीपबीचको मियाको जलसन्धि अन्तर्राष्ट्रिय जलसिमाना मानिन्छ ।
मन्त्रालयले जापान सागरमा पनि रूसी हवाई गतिविधि देखिएको जनाएको छ, जसमा एक ए–५० प्रारम्भिक चेतावनी विमान र दुई एसयु–३० लडाकु विमान समावेश थिए।
