फ्रान्स । उत्तरी फ्रान्समा चोरहरूले १२ लाख डलर बराबरका गहना चोरी गरेका छन् । चोरले कथित रूपमा बुधबार लिली नजिकैको मध्य रूबैक्समा एक गहना पसलमा तोडफोड गरी बहुमूल्य सामानहरू लिएर भाग्नु अघि जौहरी र उनकी श्रीमतीलाई केही समय बन्धकसमेत बनाएका थिए।
प्रहरीका अनुसार चोरले लगेका गहनाहरूको मूल्य पाँच लाखदेखि १० लाख युरो अर्थात् पाँच लाख ८० हजारदेखि र १२ लाख अमेरिकी डलर बराबर रहेको छ।
प्रहरीले घटनामा संलग्नता रहेको आशङ्कामा पक्राउ गरेका केही व्यक्तिविरूद्ध अपहरण, सङ्गठित अपराध र सशस्त्र चन्दा असुलीको बिषयमा अनुसन्धान सुरु गरेको छ ।
बुधबार एक फरक घटनामा धेरै व्यक्तिहरूले रूबैक्सको मुख्य हुलाक कार्यालयको नगद स्थानान्तरण धुकुटी तोडफोड गरी त्यसभित्र रहेको झोला लिएर भागेका थिए।
झोलामा खाली झोलाबाहेक अरू केही थिएन। यस घटनामा संलग्न छ जनालाई त्यसै साँझ पक्राउ गरिएको थियो।
गत महिना पेरिसको लुभ्र म्युजियममा एक गिरोहले दिनदहाडै छापा मारी १० करोड २० लाख अमेरिकी डलर बराबरको बहुमूल्य तथा ऐतिहासिक महत्वका गहना चोरी गरेका थिए ।
