केप टाउन । दक्षिण अफ्रिकाका राष्ट्रपति सिरिल रामाफोसाले आफ्नो सरकारले निष्पक्ष व्यापार र लगानी सम्झौता सुनिश्चित गर्न अमेरिकासँग सक्रियताका साथ काम गरिरहेको बताएका छन् । संसदमा प्रश्नको जवाफ दिँदै रामाफोसाले सांसदहरूलाई भने, ‘दक्षिण अफ्रिकी सरकारका प्रतिनिधिहरू अहिले थप औपचारिक वार्ताका लागि संयुक्त राज्य अमेरिकामा छन्।’
‘हाम्रा नागरिक सरकारको दृष्टिकोणबाट पूर्ण रूपमा उत्साहित छन्,’ उनले भने, ‘व्यापार, उद्योग र अन्तर्राष्ट्रिय सम्बन्धमामिला मन्त्रीहरू छलफललाई अगाडि बढाउन उनीहरूसँग सामेल हुनेछन्।’
‘उनीहरूले प्रशासनका प्रतिनिधिहरू, विधायकहरू, व्यापारिक व्यक्तिहरू र अन्यसहित धेरै सरोकारवालाहरूसँग भेट गरिरहेका छन्,’ उनले भने ।
राष्ट्रपति ट्रम्पले अमेरिकासँग निरन्तर वार्तामा संलग्नताको उद्देश्य पारस्परिक लाभको व्यापार र लगानी सम्झौता सुरक्षित गर्नु रहेको उल्लेख गर्दै सरकारले निर्यातकर्ता, आयातकर्ता, ट्रेड युनियन र निजी क्षेत्रसँग परामर्श गरेर वार्ताको मार्ग रोजेको उल्लेख गरे ।
‘हाम्रो विकल्पले हामी के प्राप्त गर्न चाहन्छौं भनेर सूचित गर्दछ । हाम्रो उद्देश्य सकेसम्म संयुक्त राज्य अमेरिकामा निर्यात जारी राख्नु हो, र कम्पनीहरूलाई पनि संयुक्त राज्य अमेरिकामा लगानी गर्न सक्षम पार्नु हो, हामीले अमेरिकी कम्पनीहरूलाई पनि देशमा लगानी गर्न लगाउने पहल जारी राख्नेछौँ ।’ रामाफोसाले भने ।
उनले भने, ‘दक्षिण अफ्रिकाले देशको खनिज सम्पत्ति र प्रशोधन क्षमतालाई औँल्याउँदै महत्त्वपूर्ण लाभका लागि वार्तामा प्रवेश गरेको छ।’ रामाफोसाले भने, ‘अमेरिकी प्रशासन कहिलेकाँही ‘अप्रत्याशित’ र ‘प्रतिशोधात्मक’ हुन सक्छ, तर वार्ताको माध्ययमले सकारात्मक परिणाम दिनेछ।’
