काठमाडौं । नेकपा माओवादी केन्द्रका अध्यक्ष पुष्पकमल दाहाल प्रचण्डले स्थायी समिति बैठकबाट पार्टी एकतावद्ध भएको बताएका छन् ।
सोमबार स्थायी समितिको बैठकबाट बाहिर निस्कने क्रममा पार्टी कार्यालय पेरिसडाँडामा पत्रकारहरुसँग संक्षिप्त कुरा गर्दै प्रचण्डले पार्टीलाई एकतावद्ध गर्ने सामूहिक प्रतिवद्धता गरेको बताएका हुन् । उनले बैठकले सबैखाले गुटबन्दी अन्त्य गर्ने संकल्प सामूहिक रूपमा गरेको बताए ।
उनले भने, ‘लोकतान्त्रिक गणतन्त्रको सुदृढीकरणको निम्ति माओवादीलाई एकतावद्ध गर्ने चुनौती थियो । त्यो चुनौतीलाई जिम्मेवारीपूर्वक पूरा गर्यौं । सबैखाले गुटबन्दी अन्त्य गर्ने संकल्प सामूहिक रूपमा गरेका छौं ।’
उनले देशमा देखापरेको निराशालाई चिर्न फेरि एक पटक जनतामा जाने निर्णय गरेको बताए ।
