कुलो खनिरहेका प्रजाको रुखको हाँगा लागेर मृत्यु

मकवानपुर ।  मकवानपुरको राक्सिराङ गाउँपालिका–३, सिमलडाँडामा रुखको हाँगा झरेर लाग्दा एक जनाको मृत्यु भएको छ ।

स्थानीय जङ्गलमा पानीको कुलो खन्ने क्रममा एक्कासि सिमलको रुखको हाँगा भाँचिएर लाग्दा आज ५२ वर्षीय महादेव प्रजाको मृत्यु भएको प्रहरी निरीक्षक ठाकुरप्रसाद सापकोटाले जानकारी दिए । सोही गाउँपालिका–५ ठाडे गाउँमा बस्दै आएका प्रजाको घटनास्थलमै मृत्यु भएको हो ।