काठमाडौं । सिद्धार्थ बैंक नेपाल प्रिमियर लिग(एनपीएल)को लिग चरणको अन्तिम खेलमा आज न सुदूरपश्चिम रोयल्स र कर्णाली याक्स भिड्दैछन् । कीर्तिपुरस्थित टियु क्रिकेट मैदानमा हुने खेल बिहान ९ बजे शुरु हुनेछ ।
आज हुने लिग चरणको अन्तिम खेलमा दुवै टोली जितको खोजीमा हुनेछन् । यसअघिनै प्लेअफमा पुगिसकेको सुदूरपश्चिम १० अंकको साथ हाल शीर्ष स्थानमा रहेको छ भने ८ अंक जोडेको कर्णाली चौथो स्थानमा छ ।
आज जित निकालेको खण्डमा कर्णाली सिधैं प्लेअफमा पुग्नेछ भने फराकिलो हार बेहोरेको खण्डमा प्रतियोगितामा बाहिरिनेछ । कर्णाली प्रतियोगिताबाट बाहिरिएको खण्डमा काठमाडौं गुर्खाज प्लेअफमा पुग्नेछ । काठमाडौं ८ अंकको सतह पाचौं स्थानमा रहेको छ ।
यसअघि जनकपुर बोल्ट्स र चितवन राइनोजपनि प्लेअफमा पुगिसकेका छन् ।
