काभा महिला क्लब भलिबलमा पुलिसको विजयी शुरुवात

काठमाडौं । काभा महिला भलिबल क्लब च्याम्पियनसिपमा विभागीय टोली नेपाल पुलिस क्लबले विजयी शुरुवात गरेको छ । आइतबार दिउँसो भएको खेलमा उज्वेकिस्तानको हुमो क्लबलाई ३–० को सोझो सेटमा पराजित गर्दै पुलिसले प्रतियोगितामा सुखद शुरुवात गरेको हो ।

माल्दिभ्सको मालेमा भएको खेल पुलिसले २५–१९, २७–२५ र २५– १९ ले जितेको हो । नेपालको लिगको विजेताका रूपमा पुलिसले क्लब च्याम्पियनसिपमा खेल्न पाएकाे हाे ।

अब पुलिसले भोलि हुने खेलमा श्रीलङ्काको पुलिस क्लबसँग खेल्दैछ । यस्तै तेस्रो खेलमा मङ्गलबार ताजकिस्तानको क्लब र चौंथो तथा समूह चरणको अन्तिम खेलमा बिहिबार माल्दिभ्सको क्लबसँग खेल्नेछ ।

Leave a Reply

Your email address will not be published. Required fields are marked *