काठमाडौं । सरकारले एकैपटक ४० जना सहसचिवको सरुवा गरेको छ । २७ भदौको मन्त्रिपरिषद बैठकले ४० जना सहसचिवको सरुवा गरेको हो । काठमाडौं महानगरपालिकाका प्रमुख प्रशासकीय अधिकृत प्रदीप परियारको सञ्चार तथा सूचना प्रविधि मन्त्रालयमा सरुवा भएको छ ।
यातायाता व्यवस्था विभागका महानिर्देशक रहेका उद्धवप्रसाद रिजाललाई मधेश प्रदेशको प्रदेश सचिवका लागि सरुवा गरिएको छ ।
रामेछापका प्रमुख जिल्ला अधिकारी अनिता निरौलालाई शिक्षा, विज्ञान तथा प्रविधि मन्त्रालय, शिक्षा मन्त्रालयका सहसचिव सुमन घिमिरेलाई गृह मन्त्रालय, राष्ट्रिय दलित आयोगका शिवराज चौलागाईलाई पोखरा महानगरपालिकाको प्रमुख प्रशासकीय अधिकृत र पोखराका महानगरपालिकाका श्यामकृष्ण थापालाई गृह मन्त्रालय सरुवा गरिएको छ ।
युवा तथा खेलकुद मन्त्रालयका सहसचिव विदूर प्रसाद खनाललाई बागमती प्रदेशको प्रदेश सचिव, मधेशका प्रदेश सचिव केशवराज सुवेदीलाई बागमती प्रदेशको मुख्यमन्त्रीको परिषद्को कार्यालयमा सरुवा गरिएको छ ।
