काठमाडौं । काठमाडौंमा हुने साफ महिला च्याम्पियनसिप-२०२४ को खेल तालिका सार्वजनिक भएको छ । दक्षिण एसियाली फुटबल महासंघ (साफ) ले बुधबार सार्वजनिक गरेको खेल तालिकाअनुसार नेपाल समूह ‘बी’ मा परेको छ ।
नेपालले आफ्नो पहिलो खेल १८ अक्टोबरमा भुटानसँग खेल्नेछ । प्रतियोगिताको उद्धाटन खेलमा भारत र पाकिस्तान भिड्नेछन् । समूह ‘ए’मा भारत र पाकिस्तानसँगै बंगलादेश रहेको छ । समूह ‘बी’मा आयोजक नेपाल, श्रीलंका, माल्दिभ्स र भुटान रहेका छन् ।
दुवै समूहबाट शीर्ष दुई स्थानमा रहने टोली सेमिफाइनलमा पुग्नेछन् । फाइनल खेल ३० अक्टोबरमा हुनेछ । १७ अक्टोबरबाट शुरु हुने प्रतियोगिताको सबै खेल त्रिपुरेश्वरस्थित दशरथ रंगशालामा हुनेछ ।
