छन्तु (चीन) । चीनका निवर्तमान प्रधानमन्त्री लि ख छियाङको निधन भएको छ । ६८ वर्षीय लीको सांघाईस्थित एक अस्पतालमा शुक्रबार सबेरै निधन भएको चिनियाँ सञ्चार माध्यमले जनाएका छन् ।
चीनको राज्य परिषद्को उनी तीन कार्यकाल सदस्य रहेका थिए । झण्डै ६ महिनाअगाडि मात्र १० वर्षे कार्यकाल पूरा गरी विदा भएका थिए ।
ली चिनियाँ कम्युनिस्ट पार्टीको १७ औँ, १८औँ र १९औँ केन्द्रीय समितिका राजनीतिक ब्यूरोका स्थायी समिति सदस्यसमेत थिए । त्यस्तै उनी राष्ट्रपति सी चिनफिङपछि सत्तारूढ कम्युनिस्ट पार्टी अफ चाइनाका दोस्रो वरीयताका नेता थिए ।
