काठमाडौं । आईसीसी विश्वकप लिग-२ को त्रिकोणात्मक सिरिज अन्तर्गत भोलि नेपाल र युनाइटेड अरब इमिरेट्स (यूएई) बीच हुने खेलको टिकटबाट उठेको रकम खेलाडीको कल्याणकारी कोषमा जम्मा गरिने भएको छ । नेपाल क्रिकेट संघ(क्यान)ले बुधबार नेपाल र युएईबीच हुने खेलको टिकटबाट उठेको रकम कोषमा जम्मा गर्ने जनाएको हो ।
भोलि कीर्तिपुरमा हुने निकै महत्त्वपूर्ण खेलमा भारी मात्रामा दर्शक उपस्थित हुने अनुमान गरिएको छ । भोलि युएईलाई हराएको खण्डमा नेपालले सिधै विश्वकपको छनोट खेल्नेछ । त्यसैले खेलाडीको मनोबल उच्च बनाउन विभिन्न ठाउँबाट समर्थक कीर्तिपुर आउने चर्चा सामाजिक सञ्जालमा रहेको छ । भोलिको खेलमा कम्तिमा २० हजार दर्शक उपस्थित हुने अनुमान गरिएको छ ।
