एजेन्सी । इंग्लिस क्लब चेल्सी युएईएफए च्याम्पियन्स लिगको क्वाटरफाइनलमा पुगेको छ । मंगलबार राति भएको अन्तिम १६ को दोस्रो लेगमा जर्मन क्लब बोरुसिया डर्टमण्डलाई २-० ले तथा समाग्रमा २-१ गोलले हराउँदै चेल्सी अन्तिम ८ मा पुगेको हो ।
घरेलु मैदान स्ट्राम्फोर्ड ब्रिजमा भएको खेलमा चेल्सीलाई जीत दिलाउन रहिम स्टेर्लिंङ र काई हाभेर्ट्जले समान एक-एक गोल गरे । पहिलो लेगमा लिएको एक गोलको अग्रता जोगाउन नसक्दा डर्टमण्ड पराजीत हुन पुग्यो । पहिलो हाफको ४३ औं मिनेटमा स्टेलिंङले गोल गर्दै चेल्सीलाई खेलमा १-० ले अग्रता तथा समाग्रमा १-१ गोलको बराबरीमा ल्याएका थिए ।
५३ औं मिनेटमा हाभेर्ट्जले गोल गर्दै चेल्सीलाई खेलमा २-० तथा समाग्रमा २-१ गोलको अग्रता दिलाएका थिए । बाँकी समयमा दुवै टोलीबाट थप गोल हुन नसक्दा चेल्सी खेलमा २-० र समाग्रमा २-१ गोलले विजयी भएको हो ।
जीतसँगै चेल्सी क्वाटरफाइनलमा प्रवेश गर्दा डर्टमण्ड प्रतियोगिताबाट बाहिरिएको छ ।
