इराकमा गएराति भएका बम विष्फोटमा परी पाँच जनाको ज्यान गएको र अरु केही घाइते भएका छन् ।
इराकको पूर्वी प्रान्त दियालामा बम विस्फोट भएकोसुरक्षा स्रोतले जानकारी दिएको छ । विष्फोटमा परी पाँच जनाको ज्यान गएको र अरु चार जना घाइते भएका छन् ।
दियाला प्रान्तीय प्रहरीका मेजर अला अल– साउदीले दिएको जानकारीअनुसार दियालाको माक्दियान नगरको एक सडकमा बम राखिएको थियो ।
सडक किनारामा कुनै अज्ञात समूहले बम राखेको र बम विस्फोट हुँदा गुडिरहेको कारमा रहेका पाँच जना सर्वसाधारणको ज्यान गएको हो । सो सडक भएर हिँडिरहेका बटुवा चार जना घाइते भएका पनि उनले जानकारी दिए ।
यस विस्फोटको जिम्मेवारी कसैले लिएको छैन । इराकी प्रहरीले यस विषयमा अनुसन्धान थालेको जनाएको छ ।
पछिल्लो समयमा इराकमा इस्लामिक स्टेट्स समूह यस्ता आतङ्ककारी आक्रमणहरुमा संलग्न रही आएकाले प्रहरीले सोही समूहले यो बम विस्फोट गराएको अनुमान गरेको छ ।
