ब्रसेल्स । राष्ट्रपति डोनाल्ड ट्रम्पको प्रशासनले नयाँ व्यापार अनुसन्धानको घोषणा गरेपछि युरोपेली सङ्घका कार्यकारी प्रमुखले संयुक्त राज्य अमेरिकाले प्रमुख कर सम्झौताको कुनै पनि उल्लङ्घनलाई ‘दृढतापूर्वक प्रतिक्रिया’ दिने प्रतिबद्धता व्यक्त गरेका छन्।
अमेरिकी व्यापार प्रतिनिधि जेमिसन ग्रीरले भने, “यो अनुसन्धान अत्यधिक उत्पादन र जबर्जस्ती श्रमबाट बनेका सामानहरू आयात गर्नेमा केन्द्रित रहेको थियो।”
युरोपेली आयोगका प्रवक्ता ओलोफ गिलले भने, “हामी अमेरिकासँग थप स्पष्टता खोज्दैछौँ । धारा ३०१ को अनुसन्धानको सुरुवातले गत वर्ष भएको इयू–अमेरिका सम्झौतासँग कसरी प्रतिक्रिया जनाउनेछ ।”
“आयोगले संयुक्त वक्तव्यको प्रतिबद्धताको कुनै पनि उल्लङ्घनको लागि दृढतापूर्वक र समानुपातिक रूपमा प्रतिक्रिया दिनेछ,” उनले भने ।
गत फेब्रुअरीमा अमेरिकी सर्वोच्च अदालतले ट्रम्पलाई सन् १९७७ को कानुनअन्तर्गत कर लगाउने अधिकार नभएको फैसला गरेपछि युरोपेली सङ्घ र अमेरिकाबीच भएको कर सम्झौताको निरन्तरतामाथि प्रश्न उठेको छ।
सम्झौता अन्तर्गत ट्रम्प प्रशासनले आयातित वस्तुमा १० प्रतिशत नयाँ कर लगाएको थियो तर ईयूले अमेरिकाले सम्झौतामा अडिग रहने आश्वासन पाएको बताएको थियो ।
आयोगले इयूले अझै पनि सम्झौताको पालना गरिरहेको र अमेरिकाले पनि सोही प्रतिबद्धता देखाउने अपेक्षा गरेको छ । गिलले भने, “अमेरिकी प्रशासन आफ्ना प्रतिबद्धताबाट विचलित हुन चाहन्छ भन्ने कुनै सङ्केत हामीले प्राप्त गरेका छैनौँ ।”
युरोपेली संसदको व्यापार समितिमा रहेका युरोपेली सांसदहरूले सम्झौताको युरोपको पक्ष कार्यान्वयन गर्ने दिशामा एक महत्वपूर्ण कदमवरूप अर्को हप्ता अमेरिकी औद्योगिक वस्तुहरूमा कर हटाउन आफ्नो सहमति दिन सक्दछन् ।
