काठमाडौँ । काठमाडौंबाट टर्कीको इस्ट्यानबुलका लागि उडेको जहाज ठूलो दुर्घटनाबाट जोगिएको छ । बुधबार काठमाडौंबाट दिउँसो १३ः२९ मा उडेको टर्किस एयरलाइन्सको जहाजको इन्जिनमा आगो लागेपछि कोलकाता डाइभर्ट गरिएको थियो ।
जहाज उड्ने बितिक्कै दायाँ इन्जिनमा आगो लागेको त्रिभुवन अन्तर्राष्ट्रिय विमानस्थल नागरिक उड्डयन कार्यालयले जनाएको छ । कोलकाता डाइभर्ट भएको जहाज दिउँसो तीन बजे सकुशल अवतरण गरेको विमानस्थलका महाप्रबन्धक टेकनाथ सिटौलाले जानकारी दिए ।
जहाजमा २२५ यात्रु र चालक दलका ११ गरी जम्मा २३६ जना रहेका थिए।
