गाजा । हमासले इजरायली प्रधानमन्त्री बेन्जामिन नेतान्याहूलाई गाजाका लागि अमेरिकी नेतृत्वको ‘बोर्ड अफ पिस’ मा समावेश गरेकोमा बिहीबार समितिको आलोचना गरेको छ ।
हमासले यसलाई ‘न्याय र जवाफदेहीताको सिद्धान्तको विपरीत खतरनाक सूचक’ भनेको छ।
प्यालेष्टिनी लडाकू समूह हमासद्वारा जारी एक विज्ञप्तिमा भनिएको छ, “नेतन्याहूले गाजा युद्धविराममा बाधा पुर्याएको र नागरिकहरूमाथि आक्रमण र पूर्वाधारहरूको विनाशसहित निरन्तर युद्धविराम सम्झौतालाई उल्लङ्घन गर्नुभएको छ ।”
“कब्जा आतङ्कवादको जड हो”, विज्ञप्तिमा भनिएको छ, “स्थिरता प्राप्त गर्ने पहिलो कदम यसको उल्लङ्घन रोक्नु र यसलाई अपरिवर्तनीय रूपमा अन्त्य गर्नु हो।”
नेतन्याहूले अमेरिकी राष्ट्रपति डोनाल्ड ट्रम्पद्वारा समितिमा बस्नका लागि गरेको निमन्त्रणा स्वीकार गरेको पुष्टि गरेका छन् । ट्रम्पले बिहीबार स्विट्जरल्यान्डको डाभोसमा भएको विश्व आर्थिक मञ्चमा युरोपेली सहयोगीहरूको उपस्थिति बिना चार्टर–हस्ताक्षर समारोहमा बोर्डको औपचारिक सुरुवात गरेका छन् ।
अमेरिकी नेतृत्वको यस पहलले संयुक्त राष्ट्रसङ्घको भूमिकालाई कमजोर पार्न सक्छ र गाजामा शान्तिका लागि बहुपक्षीय ढाँचाहरू स्थापना गर्न सक्छ भन्ने चिन्ता पर्यवेक्षकहरूले व्यक्त गरेका छन् ।
पर्यवेक्षकहरूले समितिमा धेरै प्रमुख शक्तिहरू र परम्परागत अमेरिकी साझेदारहरूले भाग लिन अस्वीकार गरेका बताएका छन् ।
