बुटवल । रुपन्देहीको कन्चन गाउँपालिका–५ फायरलाइनस्थित भित्री सडक खण्डमा भएको दुर्घटनामा तीनजनाको मृत्यु भएको छ भने चारजना गम्भीर घाइते भएका छन् ।
वाग्मती प्रदेश ०१–००६ ख ७७८२ नम्बरको गाडी रुद्रपुरतर्फ जाँदै गर्दा गएराति साढे १० बजे अचानक अनियन्त्रित भई सडक छेउमा रहेको रुखमा ठोक्किएर दुर्घटना भएको हो ।
दुर्घटनामा सवार सातजनामध्ये तीनजनाको मृत्यु भएको र चारजना गम्भीर घाइते भएको प्रहरीले जनाएको छ । मृत्यु हुनेमा सैनामैना–८ बासगढीका ४५ वर्षीय खुमबहादुर आचार्य, कन्चन गाउँपालिका–५ का ४३ वर्षीय जीतेन्द्र थापा र ४२ वर्षीय खेम बिक छन् ।
