काठमाडौं । सर्वोच्च अदालतले प्रतिनिधिसभा विघटनविरुद्ध परेका रिट दर्ता गरेको छ । रिट दर्ताका लागि मंगलबार १० वटा निवेदन परेका थिए । ती निवेदनलाई सर्वोच्चले बुधबार दर्ता गरेको हो । सर्वोच्च अदालतका प्रवक्ता अर्जुनप्रसाद कोइरालाले धमाधम रिट दर्ता भइरहेका जानकारी दिएक छन् ।
रिटलाई सर्वोच्चले कात्तिक १२ गतेको पेसी तोकेको छ । रिटमाथि संवैधानिक इजलासमा सुनुवाइ हुनेछ । भदौ २४ गते सर्वोच्च अदालतमा आगजनी भएपछि रिट दर्ताको प्रक्रिया अघि बढाएको थिएन ।
सर्वोच्चको पूर्ण इजलासले मंगलबारदेखि रिट दर्ता गर्न दिने निर्णय गरेसँगै पहिलो दिन नै प्रतिनिधिसभा विघटनविरुद्ध १० वटा रिट परेका थिए ।
