अमेरिकी अपील अदालतले राष्ट्रपति डोनाल्ड ट्रम्प विरुद्ध लेखक ई. जीन क्यारोललाई बदनाम गरेकोमा जूरीले तोकेको आठ करोड ३३ लाख डलर जरिवाना कायम राखेको छ । ट्रम्पमाथि क्यारोललाई यौन दुव्र्यवहार गरेको आरोप थियो ।
सन् २०२४ जनवरीको फैसला अनुसार जूरीले ट्रम्पलाई छ करोड ५० लाख डलर दण्डात्मक क्षतिपूर्ति, ७३ लाख डलर क्षतिपूरक क्षतिपूर्ति र क्यारोलको प्रतिष्ठा सुधारका लागि अनलाइन अभियानमा एक करोड १० लाख डलर भुक्तान गर्न आदेश दिएको थियो ।
नागरिक आदेशले क्यारोलले मागेको एक करोड डलरभन्दा बढी क्षतिपूर्ति तोकेको छ । ट्रम्पले आफ्नो सोसल प्लेटफर्ममार्फत क्यारोल, मुद्दा र न्यायाधीशलाई अपमानजनक सन्देश दिनुभएको थियो । ट्रम्पलाई अर्को जुरीले सन् २०२२ मा क्यारोललाई बदनाम गरेकोमा दोषी ठहर गरेको थियो ।
दोस्रो सर्किटका अपील अदालतले लेखेको छ, “जिल्ला अदालतले कुनै गल्ती गरेको छैन र जूरीले दिएको क्षति पुरस्कार असाधारण र गम्भीर तथ्यहरूको प्रकाशमा उचित छ ।”
८१ वर्षीया क्यारोलले सन् २०१९ मा पहिलो पटक आफ्नो आक्रमणको आरोप सार्वजनिक गरेकी थिइन् र ट्रम्पमाथि उहाँलाई ‘मेरो प्रकारको होइनन्’ भन्दै बदनाम गरेको आरोप लगाएकी थिइन् ।
जुरीहरूले ट्रम्पको सन् २०२२ अक्टोबर बयान हेरेका थिए, जसमा उनले क्यारोलको तस्बिरलाई आफ्नो पूर्व पत्नी मार्ला मेपल्ससँग भ्रमित गरेका थिए ।
सन् २०२३ मा अर्को सङ्घीय जुरीले ट्रम्पलाई सन् १९९६ मा डिपार्टमेन्ट स्टोरको ड्रेसिङ रुममा क्यारोललाई यौन दुव्र्यवहार गरेको र २०२२ मा उहाँलाई बदनाम गरेकोमा दोषी ठहर गरेको थियो ।
अपील अदालतले भन्यो, “ट्रम्पलाई पर्याप्त आर्थिक दण्ड नदिई क्यारोललाई बदनाम गर्न रोक्ने छैन भन्ने पक्का गर्न जिल्ला अदालतसँग हामी सहमत छौँ ।”
ट्रम्पलाई मुद्दामा उपस्थित हुन वा गवाही दिन आवश्यक थिएन, तर उनले यस मुद्दालाई मिडियामा प्रचार गर्न र ह्वाइट हाउसमा फिर्ती अभियानका लागि प्रयोग गरेका थिए ।
