काठमाडौं । प्रतिनिधिसभाबाट भूमिसम्बन्धी केही ऐनलाई संशोधन गर्ने विधेयक पारित भएको छ । शुक्रबारको प्रतिनिधिसभा बैठकबाट विधेयक बहुमतले पारित भएको हो ।
भूमि व्यवस्था, सहकारी तथा गरिबी निवारण मन्त्री बलराम अधिकारले विधेयकमा सांसदहरूका ७० प्रतिशत संशोधन समेटिएको बताए । अधिकारीले विधेयक सुकुम्बासी, अव्यवस्थितलाई जग्गा दिन ल्याइएको बताए ।
उनले भने, ‘जनताका समस्या समाधानका निम्ति ल्याइएको हो । विगतमा नमिलेका ऐन कानुनलाई सुधार गरेर भूमिहीन दलित, सुकुम्बासी, अव्यवस्थितलाई जग्गा दिनका निम्ति ल्याइएको हो । सधैँभरी जग्गा बाँड्ने कुराको अन्त्यका लागि ल्याइएको हो ।’
सरकारले भूमिसम्बन्धी अध्यादेश ल्याएको थियो । तर, राष्ट्रियसभामा बहुमत नपुग्ने भएपछि उही प्रावधानसहित विधेयक ०८२ वैशाख २३ गते प्रतिनिधिसभामा दर्ता भएको थियो । कृषि समितिले ०८२ भदौ ५ गते पारित गरी प्रतिनिधिसभा पठाएको थियो ।
