काठमाडौं । नेपाल शिक्षक महासंघले नेकपा (माओवादी केन्द्र)को पार्टी कार्यालय, पेरिसडाँडामा धर्ना दिएको छ । विद्यालय शिक्षा विधेयकका विभिन्न प्रावधान संशोधनको मागसहित आन्दोलन सुरु गरेको महासंघले शुक्रबार माओवादी पार्टी कार्यालयमा धर्ना दिएको हो ।
महासंघले पहिलो चरणको आन्दोलनअन्तर्गत दलका कार्यालयमा धर्ना बसी ध्यानाकर्षणपत्र बुझाउने गरेको छ । यसअघि नेपाली कांग्रेस र नेकपा (एमाले)को पार्टी कार्यालयमा धर्ना दिएको महासंघले आज माओवादीको पार्टी कार्यालयमा धर्ना दिएको हो ।
धर्ना ११ देखि १ बजेसम्म जारी रहने महासंघले जनाएको छ । यसअघि माओवादीले कांग्रेस र एमालेको केन्द्रीय कार्यालयमा धर्ना दिएको थियो ।
