काठमाडौं । पूर्वराष्ट्रपति विद्यादेवी भण्डारी र राष्ट्रिय स्वतन्त्र पार्टीका प्रवक्ता मनिष झाबीच भेटवार्ता भएको छ । मंगलबार बिहान भंगालस्थित भण्डारीको निवास उनीहरुबीच राजनीतिक भेटवार्ता भएको हो ।
भेटमा वर्तमान असाधारण राजनीतिक अवस्था बारेमा र यसको समाधानको आवश्यक पहलबारे छलफल भएको झाले जानकारी दिए ।
भेटमा पूर्वराष्ट्रपति भण्डारीले सहकारीको विषयमा समाधान गर्नुको साटो यसलाई अनावश्यक राजनीतिक मुद्दा बनाएकोप्रति भण्डारीले सरोकार राख्नुकासाथै र रविप्रति सद्भाव रहेको बताएकी थिइन् ।
नयाँ पुस्ता राजनीतिमा आउनु राम्रो भएको भन्दै उनले त्यसप्रति अभिभावकको भूमिका निर्वाह गर्न आफू तयार रहेको भण्डारीले बताएको प्रवक्ता झाले जानकारी दिए ।
