काठमाडौँ । नेपाली कांग्रेसले संसदको राज्यव्यवस्था तथा सुशासन समितिको सभापति ईश्वरी न्यौपानेलाई बनाउने निर्णय गरेको छ ।
मंगलबार कांग्रेस सभापति शेरबहादुर देउवा निवासमा बसेको पदाधिकारी बैठकले न्यौपानेलाई राज्यव्यवस्था समिति सभापति बनाउने निर्णय गरेको हो ।
न्यौपाने अहिले संसदीय सुनुवाइ समितिको सभापति छिन् । सभापतिका लागि आज दिउँसो १ बजेदेखि मनोनयन कार्यक्रम तोकिएको छ ।
निजामती विधेयकमा समावेश गरिएको कुलिङ पिरियडको गडबडीबारे छानबिन गर्न गठित संसदीय समितिले सभापति रामहरि खतिवडालाई नैतिक जिम्मेवार ठहर गरेको थियो । त्यसपछि खतिवडाले राजीनामा दिएका थिए।
