म्याग्दीमा जिप दुर्घटनामा एक जनाको मृत्यु, तीन घाइते

म्याग्दी । म्याग्दीको मालिका गाउँपालिका–५ रुन्मामा बुधबार जिप दुर्घटना हुँदा एक जनाको मृत्यु भएको छ भने तीन घाइते भएका छन् ।

दरवाङदेखि रुन्मातर्फ जाँदै गरेको ग २ च ४३९२ नम्बरको बोलेरो जिप अनियन्त्रित भई सडकदेखि करिब ४० मिटर तल खसेर दुर्घटना भएको जिल्ला प्रहरी कार्यालयले जनाएको छ ।

दुर्घटनामा परी मालिका गाउँपालिका–५ की ४३ वर्षीया छनदेवी फगामीको घटनास्थलमै मृत्यु भएको प्रहरी निरीक्षक सागर पौडेलले जानकारी दिए ।

जिपका चालक मालिका–५ का ४० वर्षीय चन्द्र पुन, १४ वर्षीया सिर्जना घर्ती र ७३ वर्षीय भविराज फगामी घाइते भएका छन् । घाइतेको दरवाङ आधारभूत अस्पतालमा उपचार भइरहेको प्रहरीले जनाएको छ ।

Leave a Reply

Your email address will not be published. Required fields are marked *