धनुषा । भारतबाट अवैध रुपले नेपालतर्फ ल्याउँदै गरेको सामान नियन्त्रणमा लिने क्रममा धनुषामा सशस्त्र प्रहरी र तस्कर समूहबीच बुधबार साँझ झडप भएको छ ।
जिल्लाको विदेह नगरपालिका–२ दुहवीस्थित आँप बगैचामा साउन बुधबार साँझ करिव सवा ८ बजेको समयमा भारतबाट अवैध रुपले ल्याउँदै गरेको सामान नियन्त्रणमा लिने क्रममा झडप भएको हो ।
सशस्त्र प्रहरी बल नेपाल प्रस्तावित सीमा सुरक्षा गुल्म महिनाथपुबाट डिएसपीको कमाण्डमा रहेको सुरक्षा फौजले तस्करीको सामान नियन्त्रणमा लिन खोज्दा तस्कर र स्थानीय वासिन्दा जम्मा भई सुरक्षाकर्मीमाथि ढुङ्गामुढा प्रहार गरेका थिए ।
स्थितिलाइ नियन्त्रणमा लिने क्रममा सशस्त्र प्रहरि बलले एसएलआरबाट ४ राउण्ड हवाई फायर गरेको छ । झडपका क्रममा स्थानीयले तस्करीको केही सामान लुकाएका छन् भने एउटा मोटरसाईकल र केही किराना सामान नियन्त्रणमा लिइएको सशस्त्र प्रहरीका सह–प्रवक्ता डीएपी शैलेन्द्र थापाले जानकारी दिएका छन् ।
