मेष (चु, चे, चो, ला, लि, लु, ले, लो, अ)
सोचेभन्दा बढी धन आर्जन गर्ने सम्भावना छ, तर इज्जत जोगाउने वा आडम्बर देखाउने प्रयासमा खर्च समेत बढ्न सक्छ । आफ्नै व्यक्तिगत सुखका लागि केही रकम खर्च हुनेछ । यद्यपि, अप्रत्याशित लाभको सम्भावना समेत देखिन्छ । प्रतिष्ठा र सम्मानमा वृद्धि हुनेछ । गुरुजन, विद्वान् वा अनुभवी व्यक्तिहरूसँग सङ्गत गर्ने अवसर मिल्नेछ ।
बृष (इ, उ, ए, ओ, बा, बि, बु, बे, बो)
सुसुप्त सपना र चाहनालाई जीवन्त बनाउने उत्तम समय हो । जोखिमपूर्ण देखिने कार्यहरू पनि सजिलै सम्पन्न हुनेछन् । वरिष्ठ वा अनुभवी व्यक्तिहरूसँगको सहकार्यबाट आफ्ना प्रतिभा निखार्ने मौका पाइनेछ । पारस्परिक माया र समझदारी कायम रहनेछ । जीवनशैलीमा सुधार ल्याउन सके प्रेम सम्बन्धमा सकारात्मक असर पर्नेछ ।
मिथुन (का, कि, कु, घ, ङ, छ, के, को, ह)
मौजमस्ती र रमाइलोमा अधिक समय बिताउँदा आर्थिक संकट देखा पर्न सक्छ । दानपुण्य र सामाजिक कार्यमा खर्च बढ्न सक्छ । तर, खाद्य पदार्थ, तरकारी, सौन्दर्य प्रसाधन र पेयवस्तु व्यापारमा लाभ हुनेछ । नयाँ मानिस घरमा आइरहेका छन् भने विशेष सतर्कता अपनाउनुहोस् ।
कर्कट (हि, हु, हे, हो, डा, डि, डु, डे, डो)
बौद्धिक क्षेत्र र ज्ञानसम्बन्धी कार्यमा मिहिनेत गर्नुपर्ने दिन हो । सहकर्मी वा जुनियरहरूको व्यवहारले चिन्ता दिन सक्छ, तर आफ्नो क्षमता अनुसार अवसर प्राप्त हुनेछ । पदोन्नति वा नयाँ जिम्मेवारी पाउने सम्भावना छ । देश-विदेश भ्रमणको योगसमेत देखिन्छ ।
सिंह (मा, मि, मु, मे, मो, टा, टि, टु, टे)
आनन्द वा प्रेमजीवनभन्दा कार्य क्षेत्रमा व्यस्तता रहनेछ । समयमै लवमेटलाई सन्देश दिई सन्तुलन कायम गर्न सकिनेछ । दाजुभाइ वा ससुराली पक्षसँग सम्बन्ध प्रगाढ हुनेछ । सहकर्मी र व्यवस्थापन पक्षसँग समन्वय राम्रो हुनेछ । नयाँ प्रविधिको प्रयोगबाट उत्पादनमा वृद्धि सम्भव छ ।
कन्या (टो, प, पि, पु, ष, ण, ठ, पे, पो)
ज्ञान र अध्ययनमा रुचि बढ्नेछ । शुभ चिन्तकहरूको साथ पाइनेछ । काठपात, प्लास्टिक, रबर, वा निर्माण सम्बन्धी कारोबार लाभदायक हुनेछ । सामाजिक वा पारिवारिक कार्यक्रममा सहभागी भइनेछ । यद्यपि, आफ्ना नियमित काममा केही व्यवधान आउन सक्छ ।
तुला (र, रि, रु, रे, रो, ता, ति, तु, ते)
शारीरिक थकान र मानसिक चञ्चलता बढ्न सक्छ । आफन्तका लागि बलियो भएर उभिनुपर्ने दिन हो । सहकर्मीहरूसँग समन्वय गर्दै अघि बढ्दा फाइदा हुनेछ । दबाबमा गरिने कामले पछिसम्म पछुतो हुन सक्छ । ससाना कुरामा मन कमजोर हुन सक्छ, तर धैर्य आवश्यक छ ।
वृश्चिक (तो, ना, नि, नु, ने, नो, या, यि, यु)
आम्दानी राम्रो हुने संकेत देखिन्छ । तर मन भावुक र अलमलिएको हुन सक्छ । पारिवारिक सुख पाइनेछ । वैवाहिक जीवनमा सुमधुर पलहरू व्यतीत हुनेछन् । कला वा अभिनयमा रुचि राख्नेहरूले सिर्जनात्मक कार्यमा संलग्न हुनुपर्छ ।
धनु (ये, यो, भ, भि, भु, ध, फा, ढ, भे)
अनावश्यक चिन्ताले ग्रस्त बनाउने दिन हो । काममा सफलता प्राप्त गर्न बढी मेहनत गर्नुपर्छ । स्वास्थ्य र आहारमा विशेष ध्यान दिनु उपयुक्त हुन्छ । प्राकृतिक वातावरणमा समय बिताउँदा मानसिक सन्तुलन फर्किन सक्छ। परिवारको चाहनाको कदर गर्नुपर्ने दिन हो ।
मकर (भो, ज, जि, खि, खु, खे, खो, गा, गि)
गोपनीयता राखेर काम गर्दा प्रशंसा पाइनेछ । परिवार र छोराछोरीतर्फ ध्यान दिनुपर्ने समय हो । साथीभाइसँग रमाइलो गर्ने अवसर मिल्नेछ । प्रेम सम्बन्धमा खुसीको अनुभूति हुनेछ । आत्मविकास र ज्ञान वृद्धिका लागि प्रयास गर्नु उपयुक्त हुनेछ ।
कुम्भ (गु, गे, गो, सा, सि, सु, से, सो, द)
मनोरञ्जन वा खेलवाडमा अल्झनु लक्ष्य प्राप्तिमा बाधक बन्न सक्छ । आफ्ना विषय वस्तुमा अरूले हस्तक्षेप गर्न सक्छन्, सतर्क रहनुहोस् । गोपनीय भेटघाट वा छलफलको विषय लुकाउन आवश्यक हुन सक्छ । सहकर्मीबीच समझदारी कायम राख्दा तनाव कम हुनेछ ।
मीन (दि, दु, थ, झ, ञ, दे, दो, च, चि)
पारिवारिक वातावरण सुखद रहनेछ । साथीभाइसँग नयाँ योजना बनाउने समय हो । भ्रमणमा निस्कने अवसर मिल्नेछ । मिहिनेत अनुसार राम्रो उपलब्धि प्राप्त हुनेछ । दाजुभाइ, छरछिमेकीसँगको सहयोगले कार्यमा सहजता आउनेछ । व्यक्तिगत पहिचान र प्रतिष्ठा बढ्ने दिन हो ।
