बेइजिङ । चीनको राष्ट्रिय अन्तरिक्ष प्रशासनका अनुसार, ‘तियानवेन–२’ नामक यान शुक्रबार बिहानसम्म लगातार आठ दिनभन्दा बढी समयदेखि पृथ्वीको कक्षमा सफलतापूर्वक सञ्चालनमा रहेको छ। हालसम्म यो यान पृथ्वीबाट ३० लाख किलोमिटरभन्दा टाढा पुगेको छ।
प्रशासनले तियानवेन–२ ले खिचेको एउटा तस्बिर सार्वजनिक गरेको छ, जसमा एउटा सौर्य पाटा (सोलार प्यानल) पूर्ण रूपमा खुलिएको देखिन्छ।
तियानवेन–२ चीनद्वारा प्रक्षेपण गरिएको पहिलो क्षुद्रग्रह नमूना सङ्कलन यान हो। यसलाई गत मे २९ तारिखका दिन अन्तरिक्षतर्फ पठाइएको थियो। यस अभियानको उद्देश्य क्षुद्रग्रहको उत्पत्ति, विकासक्रम तथा प्रारम्भिक सौरमण्डलको अध्ययन गर्नु हो।
यस अभियानले करिब दश वर्ष लामो यात्रा तय गर्दै पृथ्वी नजिकको २०१६एचओ३ नामक क्षुद्रग्रहबाट नमूना सङ्कलन गर्ने र ग्रहपथको मुख्य क्षेत्रमा पर्ने ३११पी नामक पुच्छ्रे तारा (धूमकेतु) को अध्ययन गर्ने लक्ष्य राखेको छ।
गहिरो अन्तरिक्ष यात्रा सफल बनाउनका लागि, यानमा गोलो तथा लचिलो स्वरूपका सौर्य पाटा प्रयोग गरिएको छ, जसले आवश्यक ऊर्जा आपूर्ति गर्छ।
